Poetik diaqnoz

Elçin Rey

“Tibbin axtardığı sağlamlıq ədəbiyyatın tapdığı sevgidədir”.

“Poetik diaqnoz” - içi dərmanlarla dolu bir qutudur. Bilirəm, qutudan daha çox kitaba, dərmanlardan daha çox şeirlərə bənzəyir. Bu, poeziya və tibbin birgə kəşf etdiyi yeni preparatdır. Gözlər və qulaqlar vasitəsilə ruha asanlıqla qəbul olunur. Ən dərin yaralarınızı qucaqlamaq istəyən dərmanların, demək olar ki, yan təsirləri yoxdur. Nadir hallarda bir-iki damla göz yaşına səbəb ola bilər. Ruhunuz hüceyrələrdən kəlmələrə uzanan ən qədim yollara bələd olandan sonra siz başqa yollarda daha sağlam irəliləyib, özünüzü daha güvənli hiss edəcəksiniz.