Səməd Səfərli

SƏMƏD SƏFƏRLİ yazıçı, tərcüməçi və publisist, Azərbaycan Yazıçılar Birliyinin üzvüdür. Hekayələri Azərbaycan, Türkiyə, ABŞ və Birləşmiş Krallığın mətbuatında dərc edilib. “Üçbucaq” adlı hekayələr kitabı 2010-cu ildə işıq üzü görüb. İtalyan yazıçı Antonio Tabukkinin “Pereyra iddia edir” romanı onun tərcüməsində 2012-ci ildə Azərbaycan dilində çap edilib.

2005-2010-cu illərdə Rusiya və Birləşmiş Krallıqda ali təhsil alarkən “525-ci qəzet”in müxbiri olub. Sözlərin etimoloji kökü haqqında yazdığı “Kəlməbaz” adlı silsilə məqalələr “525-ci qəzet”də dərc edilib. 2007-ci ildə “Molla Nəsrəddin Moskvada” pyesini yazaraq tələbə yoldaşı ilə birgə Moskvadakı Azərbaycan etno-mədəni komponentli məktəbdə səhnələşdirib və tamaşada aktyor kimi iştirak edib. 2013-cü ildə Birləşmiş Krallıqda azərbaycanlı gənclər arasında koordinasiyanı gücləndirmək, Azərbaycan mədəniyyətinin təbliği sahəsində əməkdaşlığı genişləndirmək və təcrübə mübadiləsi aparmaq məqsədilə “Birlik” adlı aylıq ictimai-mədəni gənclik qəzetini təsis edib və onun baş redaktoru olub.

www. s a m a d s a f a r l i . c o m