44 gün anbaan

Möhtərəm oxucular!

TEAS Press Nəşriyyat evinin “44 gün anbaan... Rəsmi xronika” adlı bu kitabında Prezident İlham Əliyevin və Birinci vitse-prezident Mehriban xanım Əliyevanın 44 gün ərzindəki bütün çıxış, müraciət və müsahibələrinin mətni, sosial şəbəkələr vasitəsilə paylaşdığı məlumatlar toplanaraq xronoloji ardıcıllıqla təqdim olunur (burada bir neçə günün xronikası istisnadır, çünki həmin günlərdə nə Preziden- tin, nə də Birinci vitse-prezidentin hər hansı açıqlama, müsahibə, çıxış və paylaşımı olmayıb). Sözügedən kitabı bu mənada 44 günün salnaməsi də saya bilərik. Əminik ki, bu kitab gələcəkdə tədqiqatçılar üçün qiymətli və etibarlı məxəz rolunu oynayacaq.